करारमा कर्मचारी नियुक्त गर्ने तयारी

सरकारले यसै महिनाभित्रै विभिन्न मन्त्रालय अन्र्तगत गरी झण्डै १ हजारको संख्यामा करारमा कर्मचारी नियुक्त गर्ने तयारी गरेको छ ।
केहिदिन अघि प्रधानमन्त्रीको अध्यक्षतामा बसेको विकास अनुगमन समितिको वैठकमा सबै कार्यालयहरुमा कर्मचारीको अभाव भएको प्रतिवेदन पेश भएपछि सरकारले करारमा कर्मचारी नियुक्त गर्न लागेको हो । प्रधानमन्त्री कार्यालय स्रोतका अनुसार छठ सकिएलगत्तै करारमा कर्मचारी राख्ने प्रक्रिया सुरु हुनेछ ।
सरकारले अर्थ, कानुन न्याय, कृषि, स्वास्थ्य मन्त्रालय अन्र्तगतका कार्यालयमा करामा कर्मचारी नियुक्तिको तयारी गरेको छ । राष्ट्रिय योजना आयोगले अहिले निजामतितर्फ झण्डै ५ हजारको जनशक्ति अभाव भएको प्रतिवेदन प्रधानमन्त्री कार्यालयमा पेश गरिसकेको छ । कानुनमन्त्री प्रेमबहादुर सिंहले कामका लागि जनशक्तिको अभाव भएको विषयमा मन्त्रिपरिषदमा यसअघि नै छलफल भइसकेको जानकारी दिनुभयो । Kabiraj Bhattarai