तराई कोब्राका दुई केन्द्रीय नेताहरुद्वारा आत्मसमर्पण

२२ कात्तिक, बीरगन्ज । सशस्त्र भूमीगत संगठन तराई कोब्राका दुईजना केन्द्रीय सदस्यहरुले आज जिल्ला प्रहरी कार्यालय रौतहटसमक्ष आत्मसमर्पण गरेका छन् ।
तराई कोब्राका केन्द्रीय सदस्य पवन साह र राधेश्याम साहले आत्मसमर्पण गरेको रौतहटका प्रहरी उपरिक्षक घनानन्द भट्टले जानकारी दिनुभयो ।
यसैबीच रौतहटको पौराही गाविसस्थित नुनथर खोला नजिक करिब ४१ वर्ष उमेरका एक पुरुषको शव फेला परेको छ । शवको पहिचान हुन नसकेको प्रहरीले जनाएको छ ।