गैरआवासीय सम्मेलनको उद्घाटनः नेपालीका लागि नेपाली नारा सहित चौथो गैरआवासीय नेपाली विश्व सम्मेलन २०६६ को समुद्घाटन मंगलबार काठमाण्डौको आर्मी अफिसर क्लबमा शुरु भएको छ, सो सम्मेलनको राष्ट्रपति डा. रामवरण यादवले गर्नुभयो। राष्ट्रपति यादव र उपप्रधान मन्त्री सुजाता कोइराला लगायत एनआरएन सम्मेलनको उदघाटनका अवसरमा।
राजनीतिक गतिरोध अन्त्य गरी संसद सुचारु गर्नका लागि मंगलबार बसेको तीन प्रमुख राजनीतिक दलको बैठक बिनानिष्कर्ष टुङि्गयो। एकीकृत नेकपा (माओवादी), नेपाली काङ्ग्रेस र नेकपा (एमाले)बीच सिंहदरबारमा बसेको बैठकमा राष्ट्रपतिले प्रधानसेनापतिलाई थमौती गर्न चालेका कदमका बारेमा दलहरूको आ-आफ्नै अडान कायम भएकाले सहमति हुन नसकेको हो।बैठकमा काङ्ग्रेस र एमालेको प्रस्ताव तथा माओवादी प्रस्तावलाई मिलाएर साझा सङ्कल्पको प्रस्ताव तयार गर्नेबारे छलफल भएको एमाले नेता भरतमोहन अधिकारीले बताए।
माओवादीले राखेको प्रस्ताव आफ्नो पार्टीलाई मान्य नहुने नेपाली काङ्ग्रेस संसदीय दलका नेता रामचन्द्र पौडेलले बताए।
उनले माओवादीका माग कडा हुँदै गएको र राष्ट्रपतिलाई आक्षेप लगाउने कुनै पनि प्रस्तावलाई काङ्ग्रेसले समर्थन नगर्ने उल्लेख गरे।
नेपाली काङ्ग्रेस र एमालेले तयार गरेको साझा सङ्कल्प प्रस्तावमा माओवादीले राष्ट्रपतिले प्रधानसेनापति प्रकरणमा दिएको निर्देशन संविधानविपरीत थियो भन्ने भाव समेटिनुपर्ने माग गरेको छ।
यसअघि मंगलबार नै नेपाली काङ्ग्रेस र नेकपा (एमाले)बीच माओवादीको प्रस्तावका बारेमा छुट्टै बैठक बसेको थियो।
No comments:
Post a Comment