एमाले फुटाउन राखेको हाँडी होइनः ओली

१४ कात्तिक, काठमाडौं । नेकपा एमालेका नेता केपी शर्मा ओलीले आफ्नो पार्टी नेकपा एमाले फुटाउन राखेको हाँडी नभएको बताउनु भएको छ ।
नेकपा एमालेको ओली पक्षको काठमाडौँ जिल्ला कमिटीले आज राजधानीमा गरेको चियापान कार्यक्रममा बोल्दै उहाँले सो कुरा बताउनु भएको हो । उहाँले एकीकृत नेकपा माओवादीले गर्ने भनिएको आन्दोलनका नाममा हतियार र लडाकु प्रदर्शन नगर्न आग्रह पनि गर्नुभयो । कोहि पनि शक्तिको आडमा नभई सत्यको आडमा मात्र सफल हुन सक्ने ओलीको दावी छ ।
संसद चल्न नदिएर माओवादीले गल्ति गरेको बताउँदै नेता ओलीले माओवादीले सरकार चलाउन नसक्ने दावी पनि गर्नुभयो । काठमाडौँ जिल्ला कमिटीका संयोजक रामेश्वर फुयाँलले आफ्नो समूह आधिकारिक भएको दाबी गर्नुभयो ।