बेडरुममा के हुँदैन ?

ऋचा घिमीरे

जहाँ नयाँ नायिकाहरु कलिउडमा टिक्न अझै दाल गलाइरहेका छन् त्यही स्कुटीमा गुड्दा गुड्दै नायिका ऋचा घिमिरे अब चलचित्र निर्मात्री बनेकी छन् । यतिमात्र होइन, ऋचाले विवाह बन्धनमा बाँधिन निर्देशक शंकर घिमिरेसँग टिकाटालो समेत गरिसकेकी छन् । कुनै बेला नृत्यङ्गना रहेकी ऋचाले चलचित्र र्फजमा उत्तेजक नृत्य गरेर चर्चा बटुलेकी थिइन् । ‘म त काली सुन्दरी गीत’को म्युजिक भिडियोमा जमेपछि ऋचा अब ऋचा मात्र नभएर काली सुन्दरी पनि भनिन थालिकी छन् । ऋचासँग अनलाइनखबर डट कमले गरेको कुराकानी ।
० बिहे गर्न टिकोटालो गर्नुभएछ त ?
- अविवाहित केटीका बारेमा नचाहिँदो अफवाह फैलाएर कसैले खेल खेलिरहेको छ । यसले मेरो क्यारियरमा नकारात्मक असर पर्छ ।
० चलचित्र निर्मात्री बन्नु भएछ, गाँठ टन्न कमाए जस्तो छ नि ?
- म त होइन, आमा पो हो त मेरो चलचित्रको निर्माता । चलचित्र तुलसी, मेरो होम प्रोडक्शन हो ।

० नाम आमाको लगानी तपाईकै त होला नि ?
- आमाको चलचित्रमा छोरीको सहयोग त भैहाल्छ नी ।
० दुई चार वटा चलचित्रमा अभिनय गर्नासाथ कलाकारहरु निर्माता हुन किन हतारिन्छन ?
- त्यो त राम्रै हो नि । कलाकारले यस क्षेत्रको बारेमा धेरै कुरा बुझेका हुन्छन् । बाहिरबाट एबीसीडि आउनुभन्दा त कलाकारले बनाउनु नै राम्रो । चलचित्र पनि राम्रो बन्छ ।
० अनि अभिनयबाट कमाएको पैसाले चलचित्र बनाउन सकिन्छ त ?
- सकिन्छ, साथै गुडविल पनि हेरिन्छ । कतिपय कलाकारले अभिनयबाट कमाएकै पैसाले चलचित्र बनाएका छन । धेरैको गुडविल हेरिन्छ । हल मालिक र वितरकले कलाकारको गुडविल हेरेर सहयोग गर्छन । ५०, ६० लाख त एक्लैले लगाउन सकिदैन, फाइनान्सरहरु भेटिन्छन् ।
० तपाईले पनि फाइनान्सर पाउनु भएको छ ?
- छ ।

० को हो त ?
- अहिले त नभनौं ।
० अधिकांश चलचित्रमा नायिकालाई मसालाको रुपमा प्रयोग गरिन्छ नि ?
- मलाई त्यो मन पर्दैन तर ८० प्रतिशत चलचित्रमा मलाई मसालाकै रुपमा प्रयोग गरिएको छ, शो-पीस को रुपमा । बाँकी २० प्रतिशतमा मेरो भुमिका बलियो छ । म मात्र होइन धेरै नायिकाहरु शो-पीस मै देखिएका छन् ।
० भूमिकाको सन्र्दभमा नायिकाहरु सधै किन कमजोर हुन्छन् ?
- वास्तवमा सबैको भुमिका बरावर हुनुपर्छ, तर त्यस्तो भएको पाईदैन । मैले आफ्नो चलचित्रमा सबैलाई न्याय गरेकी छु ।
० निर्माता निर्देशकले नायिकालाई शो-पीस बनाउने हो ?
- म निर्माता, निर्देशकलाई दोष दिन्न । वितरकका कारण यस्तो भईरहेको मेरो अनुभव छ ।
० चर्चामा आउन नायिकाहरु स्वयं नागिन चाहन्छन रे नि ?
- त्यो त आपसी सहमतीको कुरा हो । कसैले कसैलाई दबाव दिएको हुँदैन ।
० चलचित्र पाउन निर्माता, निर्देशकलाई कति रिझाउनु पर्छ ?
- त्यो त आफुमा भर पर्ने कुरा हो । यहाँ कोही स्ट्रङ्ग तरिकाले आउँछन् त कोही नेगेटिभ तरिकाले नायिका बन्न आउँछन् । कोही लङ्गकट त कोही सर्टकट तरिकाले नायिका बनिरहेका छन । चलचित्रमा टिक्नका लागि यो तरिका अपनाइन्छ ।
० तपाई कुन कटबाट आउनु भयो त ?
- म त लङ्गकट तरिकाले चलचित्र क्षेत्रमा प्रवेश गरेकी हुँ । चलचित्रमा आउनुअघि मैले टेलिभिजन र स्टेज कार्यक्रम चलाएकी थिएँ, साथै मोडलिङ्गतर्फ पनि सक्रिय थिएँ ।
० चरित्रको सवालमा नायिकाहरुमाथि बारम्बार प्रश्न उठने गरेको छ ? यसको पछिल्लो उदाहरण नम्रता श्रेष्ठ पनि बनेकी छिन, यहाँलाई के लाग्छ ?
- हरेकको आफ्नो व्यtmिगत र व्यवसायिक जीवन हुन्छ । यो दुवैलाई अलग अलग राख्नुपर्छ, यत्र, त्यत्र, सवत्र गर्नुहुँर्दन । नम्रताको विषयमा म त्यति नबोलौं । वास्तवमा हरेक व्यtmि बेडरुममा हुन्छ, फरक यति हो कसैको लिक हुन्छ, कसैको हुदैन । यस्ता कुरालाई नेपाली समाजले पचाउनुपर्छ ।
० यौनको मामिलामा नेपाली समाज संकुचित छ ?
- छ र हुनैपर्छ ।
० नेपालमा यौन शिक्षा दिन जरुरी छ ?
- छ, तर त्यो स्तरीय र श्लील हुनुपर्छ ।
० नायिका हुनका लागि कामुक हुनु जरुरी छ कि छैन ?
- कामुक मात्र होइन, सुन्दर पनि हुनुपर्छ । साथै अभिनय पनि जरुरी छ ।
० तपाई कतिको कामकु हुनुहुन्छ त ?
- म दश अङ्कमा मलाई सात अङ्क दिन्छु ।
० सेक्सी हुनका लागि कुनै मापदण्ड छ ?
- छोटो कपडा लगाउँदैमा कोही सेक्सी हुँदैन । सेक्सी, सुन्दर र ग्ल्यामर्स हुनका लागि जीउडाल मिलेको हुनुपर्छ भन्ने पनि छैन । अर्काका लागि बाँच्न सक्नु नै सुन्दरता र सेक्सीपन हो ।
- सेक्सको अनुभव लिनु भा को छ ?
- विहे अघिको सेक्सको विरोधी हुँ ।
० रक्सी-चुरोटको स्वाद लिनु भा’छ ?
- पर्वको बेला परिवारसँग बसेर वाइन पिउने गरेकी छु । चुरोटको स्वाद थाहा छैन ।
० काली सुन्दरीपछि कुनै म्यूजिक भिडियोमा देखिने सोंच छ ?
- छैन । अहिले तुलसीमै व्यस्त छु । यो सकिएपछि मात्र अन्य कुरामा सोच्छु ।